«Դարձնենք Հայաստանը կրկին մեծ». Թրամփը աջակցություն է հայտնել Փաշինյանին առաջիկա ընտրությունների կապակցությամբ

ԱՄՆ նախագահ Դոնալդ Թրամփը Truth Social սոցիալական հարթակում հրապարակած գրառմամբ աջակցություն է հայտնել ՀՀ վարչապետ Նիկոլ Փաշինյանին՝ հայտարարելով 2026 թվականի հունիսի 7-ին նախատեսված ընտրություններում նրա վերընտրման «լիակատար և անվերապահ» աջակցության մասին։ Թրամփը նաև անդրադարձել է հայ-ամերիկյան համագործակցության խորացման հեռանկարին՝ խոսելով տարածաշրջանային խաղաղության, բարգավաճման և համատեղ նոր նախագծերի մեկնարկի մասին։

«Հայաստանի վարչապետ Նիկոլ Փաշինյանը՝ մեծ բարեկամ և առաջնորդ, իր երկիրը դարձնում է ուժեղ, հարուստ և շատ անվտանգ։ Նիկոլը լիովին կիսում է Հայաստանի և ամբողջ Հարավային Կովկասի համար ԽԱՂԱՂՈՒԹՅԱՆ և ԲԱՐԳԱՎԱՃՄԱՆ իմ տեսլականը։

Մեր պետքարտուղար Մարկո Ռուբիոն հենց նոր այցելեց Հայաստան, որտեղ առաջ մղեց մի շարք կարևոր գործարքներ՝ մեր երկու երկրների համար։

Շուտով Միացյալ Նահանգներն ու Հայաստանը միասին կմեկնարկեն «Թրամփի ուղի հանուն միջազգային խաղաղության և բարգավաճման» նախագիծը, որը կվերափոխի Հարավային Կովկասը և կօգնի ամերիկյան էներգետիկ ընկերություններին հասանելիություն ստանալ Կենտրոնական Ասիայից մինչև Միացյալ Նահանգներ։

Այս պատճառներով Նիկոլն ունի իմ ԼԻԱԿԱՏԱՐ և ԱՄԲՈՂՋԱԿԱՆ աջակցությունը 2026 թվականի հունիսի 7-ի վերընտրվելու համար։

Նիկոլի օգնությամբ մենք Միացյալ Նահանգները, Հայաստանը, Հարավային Կովկասը և Կենտրոնական Ասիան կհասցնենք ավելի մեծ բարձունքների, քան երբևէ։

Դարձնենք (Հայաստանը) կրկին մեծ — MAGA։

Նախագահ ԴՈՆԱԼԴ Ջ. ԹՐԱՄՓ»։

Կիսվել

Կարդացեք նաև

ԱՄՆ սենատորները քվեարկել են ՌԴ-ի դեմ լրացուցիչ պատժամիջոցների հնարավորություն նախատեսող օրինագծի հետագա քննարկման օգտին

Փոխվարչապետ Տիգրան Խաչատրյանը հրաժեշտի հանդիպում է ունեցել Ֆրանսիայի դեսպանի հետ

Ձերբակալվել է «Հայաստան» դաշինքի ցուցակով պատգամավորի թեկնածու Արա Նախշքարյանը