Չտես մարդուց ավելի ագահ մարդ աշխարհում գոյություն չունի. Սամվել Կարապետյան

Վախեցած մարդն իր անվտանգությունը չի կարող կառավարել, և նույնը վերաբերում է պետությանը, ասել է «Ուժեղ Հայաստան» կուսակցության առաջնորդ Սամվել Կարապետյանը Նազենի Հովհաննիսյանի «Կամուրջներ» հաղորդման ժամանակ։

«Ինձ համար կոնկրետ որոշում է, որ մենք պետք է ապահովենք Հայաստանի զարգացումը, բայց մենք չենք երգելու ու պարելու բոլորի հետ, որ ժողովրդին ցույց տանք, թե կարող ենք բեմի վրա սրա-նրա հետ պարել։ Այդ պարը կարող է մեծ վնաս տալ մեր ժողովրդին», - ասել է նա։

Կարապետյանն ընդգծել է, որ չտես մարդուց ավելի ագահ մարդ աշխարհում գոյություն չունի։

«Հիմա ես տեսնում եմ, որ այս մարդիկ այս սկզբունքով առաջ են շարժվում, այս մարդիկ չեն պատկերացնում իրենց կյանքն առանց իշխանության, առանց թալանի։ Դրա համար հունիսի 7-ին մեր ժողովուրդը պետք է կանգնեցնի այս ամենը», - ասել է նա։