Չեմ կարծում, որ պարտադիր ամեն ինչի պետք է արձագանքեմ.Նիկոլ Փաշինյան

Եվրոպական քաղաքական համայնքի երևանյան գագաթնաժողովի ժամանակ, որը կայացել է մայիսի 4-ին, Ուկրաինայի նախագահ Վոլոդիմիր Զելենսկին հայտարարել էր, որ մայիսի 9-ին Մոսկվայում կայանալիք զորահանդեսի ընթացքում ուկրաինանական ԱԹՍ-ները լինելու են Կարմիր հրապարակի երկնքում։

 Ռուսական կողմից Հայաստանի իշխանության հասցեին քննադատություններ էին հնչել առ այն, որ նրանք չեն արձագանքել Զելենսկիի հայտարարություններին։

Ճեպազրույցի ժամանակ վարչապետ Նիկոլ Փաշինյանն ասել  է,  որ Եվրոպական քաղաքական համայնքի գագաթնաժողովը բազմակողմ հարթակ է, և հյուրընկալող երկրի ղեկավարի կարգավիճակը չի նշանակում, որ ինքը պետք է արձագանքի բոլոր ելույթներին։

«Չեմ կարծում, թե հյուրընկալող երկրի Կառավարության ղեկավարի կարգավիճակով պետք է գրաքննեմ կամ պարտադիր ամեն ինչի արձագանքեմ»,- հայտարարել է Փաշինյանը։