Չեմ կարող ասել՝ ՀԱՊԿ-ից դուրս կգանք, թե՝ ոչ, կգործենք ըստ իրավիճակի. Նիկոլ Փաշինյան

ՀՀ վարչապետ Նիկոլ Փաշինյանը տեղեկություն չունի, որ ՌԴ-ն որոշել է խոչընդոտել Հայաստանից գյուղմթերքով մեքենաների մուտքը Ռուսաստան։

«Գոնե այս պահին նման պաշտոնական տեղեկատվություն չունենք»,- լրագրողների հետ զրույցում ասել է նա։

Ինչ վերաբերում է ՀԱՊԿ-ին՝ վարչապետը նշել է, թե Հայաստանն այդ կառույցում աշխատանքներն ակտիվացնելու վերաբերյալ միջոցներ չի ձեռնարկի։

«Մենք դե յուրե ու վերջնականորեն դուրս կգանք ՀԱՊԿ-ից, թե դուրս չենք գա՝ ուրիշ խոսակցություն է, չեմ կարող ասել, կգործենք ըստ իրավիճակի»,- ընդգծել է Փաշինյանը։