Բելառուսի կառավարման օրինակն իմ երկրի համար, ինձ համար անընդունելի է. Ալեն Սիմոնյան

ՀՀ ԱԺ նախագահ Ալեն Սիմոնյանը նշեց՝ չի մեկնաբանում Բելառուսի ԱԳՆ հայտարարությունը՝ ընդգծելով, որ ինքը տեղյակ չէ՝ իր հայտարարությո՞ւնն է պատճառը, թե՞ ոչ:

«Ամեն պետություն իր օրինակն է ընտրում, մենք ընտրել ենք Հայաստանի ժողովրդավարացման ճանապարհը, իրենք  այլ ճանապարհ են ընտրել: Հայաստանը ծայրագավառ չի լինելու, քաղաքական կախվածության մեջ չի լինելու, բարձրացնելու է իր ինքնիշխանության մակարդակը քաղաքական և մնացած բոլոր առումներով։

Բելառուսի կառավարման օրինակն իմ երկրի համար, ինձ համար անընդունելի է: Հայաստանն ազատ երկիր է՝ իր ազատ մեդիայով, մարդու իրավունքներով և օրենքի գերակայությամբ»,- ասաց Սիմոնյանը՝ ճեպազրույցի ժամանակ: