Բայրամովը Գուտերեշի հետ քննարկել է հայ-ադրբեջանական կարգավորման գործընթացը

Ադրբեջանի ԱԳ նախարար Ջեյհուն Բայրամովը ՄԱԿ-ի Անվտանգության խորհրդի բաց քննարկումների շրջանակում հանդիպել է ՄԱԿ-ի գլխավոր քարտուղար Անտոնիու Գուտերեշի հետ, այս մասին հայտնում են ադրբջանական լրատվամիջոցները։

Կողմերը անդրադարձել են հետպատերազմյան տարածաշրջանային իրավիճակին, վերականգնման աշխատանքներին, ըստ Բաքվի  «նախկին հարկադիր տեղահանվածների վերադարձի ապահովմանը», վստահության ամրապնդման միջոցառումների, ինչպես նաև ականային վտանգի խնդիրներին։