Բացառվում է, որ որևէ մարդ իր քաղաքական հայացքների համար ազատվի աշխատանքից.Տիգրան Ավինյան

Երևանի քաղաքապետ Տիգրան Ավինյանին հարց է ուղղվել, թե արդյո՞ք այսօր Նիկոլ Փաշինյանի հետ վիճաբանության բռնված կնոջը հրահանգվել է ազատել աշխատանքից:  Ավինյանը հերքել է նման լուրերը և պնդել է, որ նման բան բացառվում է:

«Բացառվում է, որ որևէ մարդ իր քաղաքական հայացքների համար ազատվի աշխատանքից: Անկախ ամեն ինչից՝ խոսքը գնում է կնոջ մասին, ով կորցրել է եղբորը: Իհարկե, դա չի նշանակում, որ մենք պատասխան չենք տալու, բայց նաև չի նշանակում, որ մարդը պետք է հեռացվի աշխատանքից»,- ասել է քաղաքապետը:

Ավինյանը երաշխավորել է, որ նման բան հնարավոր չէ և առաջարկել է այդ առումով լինել անհոգ: Անդրադառնալով շրջանառվող լեքսիկոնին՝ քաղաքապետն ասել է, որ Իշխանության ներկայացուցիչների լեքսիկոնը բավարար չափով կոշտ չէ: Իսկ Ղարաբաղից խոսում են նրանք, որոնք պատերազմի օրերին մաքսիմալ հեռու են եղել Ղարաբաղից:

Ավինյանը հիշեցրել է, որ 44-օրյա պատերազմի ժամանակ  ինքն անձամբ եղել է Ղարաբաղում: Նաև ասել է, որ իր մեքենայի ուղղությամբ կրակել են, իր արարողակարգի պատասխանատուն վիրավորում է ստացել, վարորդը նույնպես վիրավորվել է, իսկ գրասենյակի ղեկավարը մասնակցել է Շուշիի համար մղվող մարտերին։