Բաքվում սկսվել է 15 հայ անձանց գործով վերաքննիչ բողոքների քննությունը
Բաքվի վերաքննիչ դատարանում սկսվել է առաջին ատյանի դատավճիռների դեմ բողոքների քննությունը՝ 15 հայ անձանց, այդ թվում՝ Արցախի նախկին ղեկավարների գործով։ Ըստ ադրբեջանական աղբյուրների՝ գործը վերաբերում է ծանր մեղադրանքների և նախորդ դատավճիռներով նշանակված երկարատև ազատազրկման որոշումների բողոքարկմանը։
Ըստ ադրբեջանական ԶԼՄ–ների Բաքվի վերաքննիչ դատարանում այսօր սկսվել է առաջին ատյանի դատավճիռների դեմ ներկայացված բողոքների քննությունը՝ կապված 15 հայ անձանց գործով, որոնց թվում են նաև Արցախի նախկին ղեկավարներ։
Գործը քննում է դատավոր Էլմար Ռահիմովի նախագահությամբ գործող կազմը։ Նշվում է, որ վերաքննիչ բողոքները ներկայացվել են հանրային պաշտպանների կողմից։
Բաքվի զինվորական դատարանը փետրվարին տվյալ անձանց նկատմամբ կայացրել էր ցմահ կամ երկարատև ազատազրկման դատավճիռներ՝ նրանց մեղադրելով մի շարք ծանր հոդվածներով, այդ թվում՝ պատերազմական և մարդկության դեմ ուղղված հանցագործությունների, ահաբեկչության և իշխանության բռնի զավթման վերաբերյալ։
Ըստ նույն աղբյուրների՝ վերաքննիչ բողոքի գործը ընդունվել է վարույթ, և քննությունը շարունակվում է Բաքվի վերաքննիչ դատարանում։
Կարդացեք նաև
Քաղաքականություն29 հուլիսի 2026
ԱՄՆ-ում ՀՀ դեսպանը քննարկել է Հայաստանի և ԱՄՆ-ի համագործակցության նոր հնարավորությունները
ԱՄՆ-ում ՀՀ դեսպան Նարեկ Մկրտչյանը հյուրընկալվել է Hudson Institute-ում
Քաղաքականություն29 հուլիսի 2026
ԱԺ֊ում լրագրողների մասնագիտական գործունեության «նոր և աննախադեպ խստացումներն ու սահմանափակումները» գործում են 2021 թվականից․ Ռուբինյան
ԱԺ շենքում անվտանգության կանոնների վերաբերյալ որոշման մեջ արված նոր փոփոխությունների շարքում չեն եղել փոփոխություններ, որոնք վերաբերում են լրագրողական գործունեությանը, առավել ևս դրա սահմանափակմանը։
.png)
Քաղաքականություն28 հուլիսի 2026
Բաքվում շարունակվել է Արցախի նախկին ռազմաքաղաքական ղեկավարների վերաքննիչ բողոքների քննությունը
Հաջորդ նիստը տեղի կունենա հուլիսի 31-ին: