Բաքվի սլավոնական համալսարանում նախատեսվում է ներդնել հայոց լեզվի ուսուցում

Բաքվի սլավոնական համալսարանում (ԲՍՀ) նախատեսվում է սկսել հայոց լեզվի դասավանդում։ Համապատասխան որոշումն ընդունվել է բուհի գիտական խորհրդի կողմից, հայտնում են ադրբեջանական ԶԼՄ-ները՝ հղում անելով համալսարանի մամուլի քարտուղար Սաբինա Հուսեյնզադեին։

Բուհի ներկայացուցչի փոխանցմամբ՝ հայոց լեզվի ուսումնասիրությունը նախատեսված է առաջիկա տարիներին, սակայն դասընթացների մեկնարկի հստակ ժամկետներ առայժմ չեն նշվում։ Ավելի վերաբերյալ համալսարանի ռեկտոր Անար Նագիևը հայտնել էր, որ ուսուցումը մտադիր են սկսել 2026-2027 ուսումնական տարվանից։

 

2025 թվականի նոյեմբերին ՀՀ ԿԳՄՍ նախարար Ժաննա Անդրեասյանը հայտնել էր, որ Հայաստանի երեք դպրոցներում դասավանդվում է ադրբեջաներեն։

 

Նախարարի խոսքով՝ դա իրականացվում է 2021 թվականին հաստատված տարածաշրջանային լեզուների ուսուցման խրախուսման ծրագրի շրջանակում, որին այն ժամանակ միացել էր շուրջ 30 դպրոց։