Բաքվի չստացված հակահայկական «միջոցառումը» ԱՄՆ-ում․ աղբյուրը մանրամասներ է ներկայացնում
Աղբյուրի փոխանցմամբ՝ ԱՄՆ-ում Բաքվի նախաձեռնությամբ կազմակերպված միջոցառումը չի ապահովել սպասված մասնակցություն և ընթացել է առանց պաշտոնական մասնակցության։
Bagramyan26 թելեգրամյան ալիքը, հղում անելով սեփական աղբյուրներին, հայտնում է, որ ադրբեջանական մամուլում լայնորեն լուսաբանվող՝ «Բաքվի նախաձեռնող խմբի» կողմից ԱՄՆ Կոնգրեսի շենքի տարածքում կազմակերպված, այսպես կոչված, «վերադարձի իրավունքի» թեմայով միջոցառմանը պաշտոնական մասնակցություն չի եղել, և Կոնգրեսի որևէ անդամ դրան չի մասնակցել։
Ալիքի տեղեկություններով՝ Կոնգրեսի համապատասխան սրահը պարզապես վարձակալվել է միջոցառման կազմակերպիչների կողմից՝ այնպիսի տպավորություն ստեղծելու նպատակով, թե այն ունի ԱՄՆ Կոնգրեսի կամ վարչակազմի աջակցությունը։
Bagramyan26-ը նաև հայտնում է, որ միջոցառումն ի սկզբանե նախատեսված սրահում չի կայացել, իսկ հետագայում անցկացված հանդիպմանը մասնակցել են միայն հանրային լայն ճանաչում չունեցող մի շարք մասնավոր կազմակերպությունների ներկայացուցիչներ։ Ալիքի գնահատմամբ՝ նույնքան սահմանափակ ներկայացվածություն է ունեցել նաև միջոցառման արդյունքում ընդունված «կոչը» ստորագրած կազմակերպությունների ցանկը։
Կարդացեք նաև
Քաղաքականություն16 սեպտեմբերի 2026
Փաշինյանը՝ խոսել է Գանձասարի վերաբերյալ Հաջիևի հայտարարությունների մասին
«Մենք հեշտությամբ կարող ենք խաղաղությունը փլուզել, բայց նորից այս կետին հասնելու համար 30 տարի պետք է լինելու։ Այնպես որ, եկեք ընտրենք։ Մենք կատարել ենք մեր ընտրությունը»
Քաղաքականություն16 սեպտեմբերի 2026
Հաջիևի հետ մենք մշտապես կոնտակտի մեջ ենք, ինքն ունի իմ համարը, ես իրենը.Ալեն Սիմոնյան
«Մենք մշտապես ասել ենք, որ խաղաղությանը պետք է խնամքով վերաբերվել, և սա այն դեպքն է, որ դա պետք է ի ցույց դնել»:
Քաղաքականություն16 սեպտեմբերի 2026
Իր խոսքում Բայրամովը չի շեշտել՝ TRIPP-ի վերահսկողություն արտահայտությունը
Նա ասել է․ «Թեև սա համարվում է Հայաստանի տարածք, մուտքն ու ելքը կիրականացվեն Ադրբեջանից»։