ԱԺ նախագահի տեղակալ Ռուբեն Ռուբինյանը հանդիպել է ԵԱՀԿ ԽՎ դիտորդական առաքելության պատվիրակության հետ

ՀՀ Ազգային ժողովի նախագահի տեղակալ Ռուբեն Ռուբինյանը հանդիպել է ԵԱՀԿ ԽՎ  դիտորդական առաքելության պատվիրակության հետ:

ՀՀ ԱԺ-ի տարածած հաղորդագրության մեջ նշվում է,որ հանդիպմանը մասնակցել է նաեւ ՀՀ ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը:

Ողջունելով հյուրերին խորհրդարանում՝ Ռուբեն Ռուբինյանը կարեւորել է դիտորդական առաքելության դերն ու գործունեությունը տարածաշրջանում ժողովրդավարական գործընթացների ամրապնդման եւ կայունության ապահովման գործում:

ԱԺ փոխնախագահը պատվիրակությանն է ներկայացրել նախընտրական քարոզարշավի ընթացքը:

Ռուբեն Ռուբինյանն ու Սարգիս Խանդանյանը պատասխանել են պատվիրակության անդամների հարցերին: