Այս տարի 12-րդ դասարանը ավարտում է ավելի քան 22 հազար երեխա. Անդրեասյան

Վաղը մեզ մոտ վերջին զանգ է, և մեր դպրոցներն իրենց շրջանավարտներին արդեն ճանապարհելու գործընթացը կսկսեն: Ուզում եմ նախապես շնորհավորել մեր բոլոր շրջանավարտներին և նրանց հաջողություններ մաղթել: Այդ մասին Կառավարության նիստի ժամանակ հայտարարել էԿԳՄՍ նախարար Ժաննա Անդրեասյանը:

«Այս տարի 12-րդ դասարանը ավարտում է ավելի քան 22 հազար երեխա, և իններորդ դասարանը՝ ավելի քան 39 հազար երեխա: Հուսով եմ, որ ինչպես ՆԳՆ-ի գործընկերների հետ ենք ակտիվ աշխատում, օրը կանցնի իսկապես տոնական, դրական տրամադրություններով և առանց որևէ միջադեպի»,- նշել է ԿԳՄՍ նախարարը:

«Հուսով եմ, որ շուտով մենք «Վերջին զանգ» միջոցառումը չենք կապի ՆԳՆ-ի հետ»,- ասել է ՀՀ փոխվարչապետ Մհեր Գրիգորյանը: