Արմավիրի մարզում բացահայտվել են թմրամիջոցների պահման և կանեփի աճեցման դեպքեր

Արմավիրի մարզի ոստիկանները բացահայտել են թմրամիջոց պահելու և կանեփ աճեցնելու երկու դեպք, այս մասին հայտնում է ՀՀ ՆԳՆ ոստիկանությունը։

Հայթաղ գյուղի 41-ամյա բնակչի տան կից շինությունում իրականացված զննությամբ հայտնաբերվել է 30,1 գրամ մարիխուանայի նմանվող զանգված։ Մինչ այդ տղամարդը հաստատել էր ոստիկանների ստացած օպերատիվ տեղեկությունը։

Մեկ այլ դեպքում Արմավիր քաղաքի 60-ամյա բնակչի տնամերձ հողամասում հայտնաբերվել է կանեփի 28 բույս։ Վերջինս հայտնել է, որ դրանք աճեցրել է անձնական օգտագործման նպատակով թմրամիջոց պատրաստելու համար։

Երկու դեպքերով էլ նախաձեռնվել են քրեական վարույթներ, կատարվում է նախաքննություն։