Արմավիրի քրեական ոստիկանները թմրաշրջանառության դեպքեր են բացահայտել

ՆԳՆ ոստիկանությունը տեսանյութ է հրապարակել սոցցանցի իր էջում, որտեղ Արմավիրի քրեական ոստիկանների վերջին բացահայտումներից երկուսը ներկայացնում է միասնական տեսաշարով:

Արմավիրի քրեական ոստիկանները օպերատիվ տեղեկություն էին ստացել, որ Արմավիր քաղաքի 65-ամյա բնակիչը իրացման նպատակով պահում է կանեփից պատրաստված թմրանյութ։ Տեղեկությունը ստուգվեց, ձեռք բերվեցին փաստական տվյալներ, նախաձեռնվեց քրեական վարույթ։

Մարտի 16-ին, դատարանի որոշմամբ, նրա բնակության վայրում կատարված խուզարկությամբ հայտնաբերվեցին մարիխուանայի նմանվող զանգվածներով ապակյա տարաներ և թղթե փաթեթներ՝ ընդհանուր 270 գ քաշով։ Բացի այդ, հայտնաբերվեցին կանեփի սերմեր, կաթուցիչներ և նռնակ։ Տանտերը հայտնեց, որ նռնակը գտել է, իսկ թմրանյութն ինքն է պատրաստել անձնական օգտագործման համար։

Մանրամասները՝ տեսանյութում: