Առողջապահության համընդհանուր ապահովագրությունն այլևս անշրջելի իրողություն է

«Առողջապահության ապահովագրությունն այլևս անշրջելի իրողություն է» : Այս մասին Ազգային ժողովում ունեցած ելույթի ժամանակ ասել է ՀՀ առողջապահության նախարար՝ Անահիտ Ավանեսյանը: 

Նախարարի խոսքով ժողովուրդը երկար տարիներ սպասել է, որ մեր երկրում հասանելի կլինեն բժշկական ծառայությունները, բայց այդ ամենը միայն խոսքերի մակարդակով են եղել:

«Այսօր առողջության համընդհանուր ապահովագրությունը իրականություն է, և պետության կարևորագույն հանձնառությունը՝ հոգ տանել ժողովրդի առողջության պահպանման, բարելավման և ֆինանսական ապահովության մասով, իրագործում է։ Բայց կարևոր է արձանագրել, որ սա հնարավոր է դարձել միայն իշխանության լեգիտիմության, ժողովրդին լսելու և ժողովրդի աջակցությունն ունենալու շնորհիվ։ Առողջության համընդհանուր ապահովագրությունը հնարավոր է դարձել միայն պետականության և խաղաղության շնորհիվ»,- ասել է Ավանեսյանը։

Ելույթի ժամանակ նախարարը շեշտել է, որ այս ոլորտը բուռն զարգացում է ապրում և դրա ապացույցը ներդրումներն են, այդ թվում՝ օտարերկրյա: