Առկա է պատմական հնարավորություն Հայաստան-Թուրքիա հարաբերությունների կարգավորման գործընթացում

«Երևանյան երկխոսություն» համաժողովի պանելային քննարկման ժամանակ Ազգային ժողովի փոխնախագահ Ռուբեն Ռուբինյանը հայտարարեց, որ առկա է պատմական հնարավորություն Հայաստան-Թուրքիա հարաբերությունների կարգավորման գործընթացում: 

«Արմենպրես»-ի փոխանցմամբ Ռուբեն Ռուբինյանը հիշեցրեց, որ գործընթացը մեկնարկել է 2022 թվականի սկզբին՝ Թուրքիայի հատուկ ներկայացուցիչ Սերդար Քըլըչի հետ համատեղ, և այս ընթացքում արդեն որոշակի առաջընթաց է արձանագրվել։

Դրանցից թվարկեց այն, որ վերականգնվել են Երևան-Ստամբուլ թռիչքները: Այս տարվանից արդեն թուրքական ավիաընկերությունները սկսել են թռիչքներ իրականացնել Երևան, քննարկվում է դրանց ընդլայնումը: Նա նաև ընդգծեց, որ կողմերը բացել են օդային տարանցիկ փոխադրումների հնարավորություն։

Ռուբինյանը հիշեցրեց նաև, որ ստորագրվել է  Անիի  կամրջի վերականգնման վերաբերյալ համատեղ արձանագրություն։