ԱՊՀ գլխավոր քարտուղարը հույս է հայտնել, որ Հայաստանում ընտրություններից հետո վիճակը կկայունա

 ԱՊՀ գլխավոր քարտուղար Սերգեյ Լեբեդևը  հույս է հայտնել, որ  Հայաստանում ընտրություններից հետո վիճակը կկայունա:

ԱՊՀ գլխավոր քարտուղար Սերգեյ Լեբեդևը այս առումով կայունացման հույս է հայտնել.«Հուսանք, որ իրավիճակը Հայաստանում կկայունանա», - ասել է նա ՏԱՍՍ-ի հետ զրույցում։ ԱՊՀ գլխավոր քարտուղարը նշել է, որ ընտրությունները դժվար էին, և ԱՊՀ դիտորդական առաքելությունը նույնպես նկատել է, թե ինչ էր կատարվում քվեարկությունից առաջ։ «Սակայն ընդհանուր առմամբ, մեր առաքելությունը եզրակացրել է, որ ընտրատեղամասերում ամեն ինչ նորմալ է եղել», - ասել է նա։

Ընտրությունների արդյունքների վերաբերյալ Հայաստանի Կենտրոնական ընտրական հանձնաժողովի նախնական թարմացված տվյալների համաձայն՝ խորհրդարան են անցել երեք քաղաքական ուժեր՝ ՀՀ վարչապետ Նիկոլ Փաշինյանի «Քաղաքացիական պայմանագիր» կուսակցությունը (ձայների 49.825%-ը), գործարար Սամվել Կարապետյանի «Հզոր Հայաստան» դաշինքը (23.281%) և նախկին նախագահ Ռոբերտ Քոչարյանի «Հայաստան» դաշինքը (9.934%)։

  ՏԱՍՍ-ը գրում է, որ տեղական դիտորդներն ու ընդդիմությունը հայտնել են աննախադեպ խախտումների մասին քվեարկության ընթացքում։ Ընտրություններն  ուղեկցվել են ընդդիմության ներկայացուցիչների ձերբակալություններով՝ թե՛ քարոզարշավի ընթացքում, թե՛ լռության և քվեարկության օրերին: Գործարար Գագիկ Ծառուկյանի «Բարգավաճ Հայաստան» կուսակցությունը, որը նախնական տվյալներով չի հաղթահարում 4%-ի շեմը, հայտարարել է, որ դիմում է ներկայացրել Կենտրոնական ընտրական հանձնաժողով՝ մի քանի ընտրատեղամասերում ձայների վերահաշվարկի համար: