Անցած օրերի միջոցառումներն անցել են առանց միջադեպերի

Քաղաքացու օրվան նվիրված միջոցառումների ընթացքում ՆԳՆ Ոստիկանության և Փրկարար ծառայության աշխատակիցները իրականացրել են արտակարգ ռեժիմով ծառայություն: Այս մասին տեղեկանում ենք ՀՀ ՆԳ նախարարությունից:

Միջոցառումների ընթացքում, որոնց ներկա են եղել ինչպես ՀՀ քաղաքացիներ, այնպես էլ բազմաթիվ զբոսաշրջիկներ՝ շնորհիվ նաև ոստիկանների և փրկարարների ծառայության, որևէ լուրջ միջադեպ կամ պատահար չի արձանագրվել:

Նմանատիպ հերթապահություն և միջոցառումներ են իրականացվել նաև ապրիլի 23-ին՝ Ջահերով երթին և ապրիլի 24-ին՝ Ծիծեռնակաբերդում, որոնց ընթացքում նույնպես որևէ լուրջ միջադեպ կամ պատահար չի արձանագրվել:

Սա ևս մեկ անգամ ապացուցում է, որ Հայաստանը աշխարհի ամենաապահով երկրներից է, ինչը փաստում են միջազգային հեղինակավոր կազմակերպությունների կողմից՝ տարբեր ինդեքսներով արված ուսումնասիրությունները: Այդ ուսումնասիրությունների ընթացքում հաշվի է առնվում նաև մեծամասշտաբ միջոցառումների ընթացքում արձանագրված միջադեպերը: