ԱՄՆ-ում անոմալ շոգը 25 մարդու կյանք է խլել

ԱՄՆ-ում հաստատված ռեկորդային շոգը, նախնական տվյալներով, 25 մարդու մահվան պատճառ է դարձել, հաղորդում է NBC News-ը։

Ծայրահեղ բարձր ջերմաստիճանն ազդել է Անկախության օրվան նվիրված տոնական միջոցառումների անցկացման վրա։

Հատկապես բարդ էր իրավիճակը Վաշինգտոնում, որտեղ Ազգային մոլում անցկացվում էին Salute to America 250 միջոցառումները՝ նվիրված ԱՄՆ անկախության 250-ամյակին։ Այնտեղ փրկարարներն ու Ազգային գվարդիայի զինծառայողները օգնություն էին ցուցաբերում տոնի մասնակիցներին, որոնց մոտ նկատվում էին ջերմային հարվածի և գերտաքացման ախտանիշներ։