ԱՄՆ-ի ռազմածովային շրջափակումը չի կարող էապես ազդել Իրանի պարենի մատակարարման վրա

Իրանի գյուղատնտեսության նախարար Ղոլամռեզա Նուրին հայտարարել է, որ ԱՄՆ-ի ռազմածովային շրջափակումը քիչ ազդեցություն է ունեցել երկրում հիմնական ապրանքների և պարենի մատակարարման կարողության վրա։ Նա դա բացատրել է երկրի ներքին արտադրության կայունությամբ և ներմուծման այլընտրանքային ուղիներով։

 Այս մասին հաղորդում է  իրանական IRNA գործակալությունը։

«Չնայած այն բանին, որ կա ԱՄՆ-ի ռազմածովային շրջափակում, մենք խնդիր չունենք հիմնական ապրանքներ և սնունդ մատակարարելու հարցում։ Երկրի հսկայական չափերի շնորհիվ՝ մենք կարող ենք ներմուծել տարբեր սահմանային անցակետերով», - հայտարարել է Իրանի գյուղատնտեսության նախարար Ղոլամռեզա Նուրին ։