Ամեն ինչ հարաբերական է․ Միրզոյանն արձագանքել է Շոյգուին

ՀՀ արտգործնախարար Արարատ Միրզոյանն Aysor.am-ի հետ զրույցում մեկնաբանել է ՌԴ ԱԽ քարտուղար Սերգեյ Շոյգուի հայտարարությունը։

 

Մայիսի 20-ին Ռուսաստանի անվտանգության խորհուրդը քննարկել է Հայաստանի հետ քաղաքական, տնտեսական, ինչպես նաև անվտանգության ոլորտներում փոխգործակցության հետագա կառուցման հարցը: ԱԽ քարտուղար Սերգեյ Շոյգուն հայտարարել է, որ Հայաստանի ղեկավարությունը վերջին շրջանում քայլեր է ձեռնարկում, որոնք չեն համապատասխանում Ռուսաստանի հետ դաշնակցային հարաբերությունների ոգուն:

ՀՀ ԱԳ նախարարը կրկնել է ավելի վաղ ասածը` Հայաստանը մտադիր չէ լարվածություն մտցնել հայ-ռուսական հարաբերություններում։

 

«Քաղաքացիական պայմանագիր» կուսակցության առաջնորդ, գործող վարչապետ (քարոզարշավին մասնակցելու նպատակով արձակուրդում է) Նիկոլ Փաշինյանը մի քանի անգամ հայտարարել է՝ Հայաստանը ՌԴ շահերը վնասելու ոչ մի ցանկություն չունի։