Ալեն Սիմոնյանը ընդունել է ԱՊՀ դիտորդական առաքելության պատվիրակությանը

ՀՀ ԱԺ նախագահ Ալեն Սիմոնյանը հունիսի 5-ին ընդունել է ԱՊՀ միջխորհրդարանական վեհաժողովի դիտորդական առաքելության պատվիրակությանը՝ Ղազախստանի Սենատի փոխնախագահ Ժակիպ Ասանովի գլխավորությամբ, այս մասին հայտնում է ՀՀ ԱԺ մամուլի ծառայությունը։

ԱԺ նախագահը ողջունել է պատվիրակությանը և մաղթել հաջող դիտորդական գործունեություն՝ Հայաստանի համար կարևոր համարվող առաջիկա խորհրդարանական ընտրությունների ընթացքում։

Հանդիպման ընթացքում կողմերը քննարկել են նաև նախընտրական քարոզարշավին և ընտրական գործընթացներին վերաբերող հարցեր։