Ադրբեջանն ու Թուրքիան աշխարհի երկու ամենաեղբայրական երկրներն են․Ալիև

Ադրբեջանն ու Թուրքիան աշխարհի երկու ամենաեղբայրական երկրներն են։ Ինչպես գրում են ադրբեջանական լրատվամիջոցները, այս մասին Ալիևը հայտարարել է Շուշիում կայացած 4-րդ գլոբալ մեդիա ֆորումի բացման ժամանակ, որը կոչվում էր «Լրատվամիջոցների առաքելությունը խաղաղության խթանման գործում. ճշմարտության վերականգնում և վստահության վերականգնում»։

Ալիևը  հայտարարել է, որ Ադրբեջանի և Թուրքիայի ժողովուրդներն աշխարհում ամենամոտներն են։

 «Նայեք համագործակցության մակարդակին, քաղաքական, տնտեսական, էներգետիկ կապերին և մարդկանց միջև հարաբերություններին։ Մենք աշխարհում չգիտենք երկու այլ երկիր, որոնք այդքան մոտ են միմյանց, որոնք այդքան աջակցում են միմյանց, որոնք այդքան բարեկամական են։ Սա մեր ժողովուրդների մեծ հարստությունն է։ Միասին մենք ավելի ուժեղ ենք։ Սա նաև տարածաշրջանային կայունության կարևոր չափանիշ է»,- հայտարարել է Ալիևը։