Ադրբեջանի տարածքով Ռուսաստանից Հայաստան կտեղափոխվի հերթական բեռնախմբաքանակը

«Ադրբեջանական երկաթուղիներ» ՓԲԸ-ն հանդես է եկել հայտարարությամբ, համաձայն որի՝ այսօր Ադրբեջանի տարածքով (տարանցմամբ) Ռուսաստանի Դաշնությունից Հայաստանի Հանրապետություն կուղարկվի հերթական բեռնախմբաքանակը։

Ըստ հաղորդագրության՝ այսօրվա ընթացքում նախատեսվում է տեղափոխել.

• 4 վագոն ցորեն (ընդհանուր՝ 280 տոննա),

• 4 վագոն պարարտանյութ (ընդհանուր՝ 277 տոննա)։

Ընկերությունը նաև ամփոփ տվյալներ է ներկայացրել մինչ օրս իրականացված փոխադրումների ծավալների վերաբերյալ, որոնք ներկայացված են ստորև.

Ռուսաստանից Հայաստան (Ադրբեջանի տարածքով տարանցմամբ).

• Հացահատիկ — ավելի քան 28,000 տոննա

• Պարարտանյութ — ավելի քան 4,000 տոննա

• Ալյումին — 133 տոննա

• Հնդկացորեն — 68 տոննա

Ադրբեջանից Հայաստան արտահանված նավթամթերք.

• Դիզելային վառելիք — ավելի քան 10,000 տոննա

• ԱԻ-95 տեսակի բենզին — 2,955 տոննա

• ԱԻ-92 տեսակի բենզին — 979 տոննա