Ադրբեջանի պաշտպանության ոլորտի մի շարք պաշտոնյաներ այցելել են Թուրքիա

Ադրբեջանի պաշտպանության նախարար, գեներալ-գնդապետ Զաքիր Հասանովը, պաշտպանության նախարարի առաջին տեղակալ և Ադրբեջանի բանակի գլխավոր շտաբի պետ, գեներալ-գնդապետ Քերիմ Վելիևը, պաշտպանության նախարարի տեղակալ և ռազմաօդային ուժերի հրամանատար, գեներալ-լեյտենանտ Նամիգ Իսլամզադեն և նախարարության այլ պաշտոնյաներ աշխատանքային այցով գտնվում են Թուրքիայում, որտեղ մասնակցելու են« Ավագ դիտորդի օրվան » նվիրված EFES 2026 բազմազգ համատեղ զորավարժություններին: 

Ադրբեջանական ԶԼՄ-ների տեղեկացմամբ այցի ընթացքում պաշտպանության նախարար, գեներալ-գնդապետ Զաքիր Հասանովը հանդիպել է Թուրքիայի ազգային պաշտպանության նախարար Յաշար Գյուլերի հետ, իսկ Ադրբեջանի բանակի գլխավոր շտաբի պետ, գեներալ-գնդապետ Քերիմ Վելիևը հանդիպել է իր գործընկեր, բանակի գեներալ Սելչուկ Բայրաքթարօղլուի հետ։

Հանդիպումների ընթացքում քննարկվել են  երկրների միջև ռազմական, ռազմատեխնիկական (RTC) և ռազմակրթական ոլորտներում համագործակցության ներկա վիճակը և հեռանկարները, ինչպես նաև ընդգծվել է երկու երկրներում իրականացվող համատեղ նախագծերի և զորավարժությունների կարևորությունը։