Ադրբեջանի նախագահը հայտարարել է, որ ԱՄՆ ղեկավարությունը հասկացել է իր բառերով ասած՝«Զանգեզուրի միջանցք»ի կարևոր նախագիծ  լինելու հանգամանքը»

Ադրբեջանի նախագահ Իլհամ Ալիևը Շուշիի 4-րդ գլոբալ մեդիա ֆորումումի ժամանակ հայտարարել է, որ ԱՄՆ ղեկավարությունը հասկացել է իր բառերով ասած՝«Զանգեզուրի միջանցք»ի կարևոր նախագիծ  լինելու հանգամանքը»։

«Մեծ տարբերություն կա նախագահ Դոնալդ Թրամփի մոտեցման և ԱՄՆ նախորդ վարչակազմերի մոտեցման միջև։ Ցավոք, գրեթե 30 տարի տևած օկուպացիայի ընթացքում ԱՄՆ վարչակազմերը, նախկին ԵԱՀԿ Մինսկի խմբի մյուս համանախագահների հետ միասին, ՄԱԿ-ի Անվտանգության խորհրդի կողմից ընդունված բանաձևերի հիման վրա վարել են հակամարտության սառեցման, այլ ոչ թե ադրբեջանական տարածքների ազատագրման քաղաքականություն։ Նրանց նպատակն էր սառեցնել իրավիճակը և այն օգտագործել որպես Ադրբեջանի և, որոշ չափով, նաև Հայաստանի վրա ազդելու միջոց։ Նրանց գործունեությունն իրականացվել է լիովին համակարգված ձևով, և ԵԱՀԿ Մինսկի խմբի  գործունեությունը ծառայել է ոչ թե հակամարտության լուծմանը, այլ օկուպացիայի անորոշ ժամանակով շարունակմանը»,- հայտարարել է Ալիևը։

Ալիևը կարծիք է հայտնել, որ Դոնալդ Թրամփի  վարչակազմի մոտեցումն այլ է այսպես կոչված՝« Զանգեզուրի միջանցք»-ի հետ կապված․«ԱՄՆ-ի ներկայիս  ղեկավարությունը հասկացավ, որ Զանգեզուրի միջանցքը կարևոր նախագիծ է, քանի որ այն կկապեր Ադրբեջանը Նախիջևանի շրջանի հետ։Նրանք շատ արդյունավետ աշխատեցին և նաև բացատրեցին Հայաստանին, որ այս խաղաղությունը անհրաժեշտ է նաև իրենց համար։ Սպիտակ տանը պատմական հանդիպման ժամանակ նախագահ Թրամփը, ես և Հայաստանի վարչապետը ստորագրեցինք եռակողմ հայտարարություն։ Երկու երկրների արտաքին գործերի նախարարները նույնպես նախաստորագրեցին խաղաղության համաձայնագիրը», -հայտարարել է Ալիևը։