Ադրբեջանի արտգործնախարարը հուլիսի 16-17-ը կլինի Մոսկվայում

ՏԱՍՍ-ի փոխանցմամբ՝Ադրբեջանի արտգործնախարար Ջեյհուն Բայրամովը հուլիսի 16-17-ը պաշտոնական այցով կմեկնի Ռուսաստան, որտեղ նախատեսված են բանակցություններ Ռուսաստանի արտգործնախարար Սերգեյ Լավրովի հետ։ Այս մասին ճեպազրույցի ժամանակ հայտարարել է Ռուսաստանի արտգործնախարարության խոսնակ Մարիա Զախարովան։

«Հուլիսի 16-ից 17-ը Ադրբեջանի Հանրապետության արտգործնախարարը պաշտոնական այցով կայցելի Ռուսաստանի Դաշնություն և բանակցություններ կանցկացնի Ռուսաստանի արտգործնախարար Սերգեյ Լավրովի հետ։ Երկու արտգործնախարարները կքննարկեն ռուս-ադրբեջանական հարաբերությունների ներկայիս վիճակը և զարգացման հեռանկարները, ինչպես նաև մի շարք հրատապ տարածաշրջանային և միջազգային հարցեր», - ասել է Զախարովան։