Ադրբեջանի ԱԳ փոխնախարարը հանդիպել է ԱՄՆ պետքարտուղարի Եվրոպայի և Եվրասիայի հարցերով գլխավոր օգնականի տեղակալի հետ
Ըստ Ադրբեջանի ԱԳՆ-ի՝ հանդիպման ընթացքում կողմերը մտքեր են փոխանակել ադրբեջանա-ամերիկյան երկկողմ հարաբերությունների ներկա վիճակի և հեռանկարների վերաբերյալ։
Օգոստոսի 10-ին, ԱՄՆ կատարած այցի շրջանակներում, Ադրբեջանի ԱԳ փոխնախարար Էլնուր Մամեդովը հանդիպել է ԱՄՆ պետքարտուղարի Եվրոպայի և Եվրասիայի հարցերով գլխավոր օգնականի տեղակալ Էնդրյու Սթոուի հետ, հայտնում են ադրբեջանական ԶԼՄ-ները։
Ըստ Ադրբեջանի արտաքին գործերի նախարարության՝ հանդիպման ընթացքում կողմերը մտքեր են փոխանակել ադրբեջանա-ամերիկյան երկկողմ հարաբերությունների ներկա վիճակի և հեռանկարների վերաբերյալ։ Ընդգծվել է գործընկերության հետագա զարգացման կարևորությունը։
Քննարկումների ընթացքում հատուկ ուշադրություն է դարձվել Ադրբեջանի Հանրապետության կառավարության և Ամերիկայի Միացյալ Նահանգների կառավարության միջև ռազմավարական գործընկերության խարտիայի իրականացմանը, ինչպես նաև Բաքվի տնտեսական երկխոսության արդյունքներին։
Կողմերը մտքեր են փոխանակել փոխադարձ հետաքրքրություն ներկայացնող մի շարք տարածաշրջանային և միջազգային հարցերի շուրջ և վերահաստատել են իրենց պատրաստակամությունը շարունակել սերտ համագործակցությունն ու խորհրդակցությունները խաղաղության, անվտանգության և բարգավաճման խթանմանն ուղղված հարցերի շուրջ։
Կարդացեք նաև
Քաղաքականություն8 նոյեմբերի 2026
«Տեր-Պետրոսյանը, Քոչարյանն ու Սարգսյանը եղել ու շարունակում են լինել Հայաստանի անկախության գլխավոր թշնամիները»․ Ռուբեն Ռուբինյան
«Կալուգյան վարձկանները պարտվելու են անկախ Հայաստանին»
Քաղաքականություն8 նոյեմբերի 2026
Բաքվի նոր էժանագին քարոզչական հնարքը․ հակահայկական թեզը՝ իբրև հայի հայտարարություն
Ադրբեջանական իշխանամետ շրջանակները շարունակում են իրենց հակահայկական քարոզչությունը՝ առաջ մղելով հերթական վտանգավոր թեզը, թե հարևան պետության մայրաքաղաք Երևանն ադրբեջանական է։
Քաղաքականություն4 նոյեմբերի 2026
Միչիգանից ընտրված սենատոր Աբդուլ Էլ-Սայեդը խոստացել է պաշտպանել Հայաստանի և հայ ժողովրդի իրավունքները
ԱՄՆ Սենատի ընտրություններում հաղթած Աբդուլ Էլ-Սայեդը հայտարարել է, որ սատարելու է հայ ժողովրդին՝ պաշտպանելով նրա անվտանգությունը, արժանապատվությունն ու ինքնորոշման իրավունքը։