Ադրբեջանը դադարեցնում է համագործակցությունը Եվրոպական խորհրդարանի հետ

Ադրբեջանի Միլլի Մեջլիսը (խորհրդարանը) որոշում է կայացրել ամբողջությամբ կասեցնել հարաբերությունները Եվրոպական խորհրդարանի հետ։ Այս քայլը պատասխան է Եվրախորհրդարանի վերջին շրջանի գործունեությանը, որը Բաքուն որակում է որպես «հակաադրբեջանական»։

Ինչպես հայտնում են ադրբեջանական ԶԼՄ-ները՝ որոշման տեքստը խորհրդարանի նիստի ժամանակ ներկայացրել է պատգամավոր Զիյաֆեթ Ասկերովը։ Ըստ ընդունված փաստաթղթի՝ նախատեսվում է.

•  Դադարեցնել Միլլի Մեջլիսի և Եվրոպական խորհրդարանի միջև փոխգործակցությունը բոլոր հնարավոր ուղղություններով։

•  Դադարեցնել Ադրբեջանի մասնակցությունը «Եվրանեսթ» խորհրդարանական վեհաժողովին և սկսել համապատասխան իրավական ընթացակարգերը։

Որոշման նախագիծը դրվել է քվեարկության և ընդունվել պատգամավորների կողմից։ Այս որոշումը նշանավորում է Ադրբեջան-Եվրամիություն հարաբերությունների հերթական սրումը և դիվանագիտական հարթակում կապերի սառեցումը։

Հիշեցնենք՝ Եվրախորհրդարանում ընդունվել է բանաձև, որն աջակցում է Հայաստանի ժողովրդավարական դիմակայունությանը