Ռուսական «Առաջին ալիքի» եթերում Լեռնային Ղարաբաղը պատկերվել է քարտեզի վրա

Ռուսական «Առաջին ալիքի» (Первый канал) հանրահայտ «Время покажет» հաղորդման հերթական թողարկումը դարձել է ադրբեջանական լրատվամիջոցների դժգոհության և բուռն քննադատության առարկա: Պատճառը հաղորդման ընթացքում ցուցադրված քարտեզն է, որտեղ Լեռնային Ղարաբաղը (Արցախը) պատկերված է եղել որպես առանձին միավոր:

Ադրբեջանական մեդիադաշտում այս միջադեպը որակվել է որպես սադրանք և Ռուսաստանի պաշտոնական հեռուստաընկերության կողմից Ադրբեջանի տարածքային ամբողջականության նկատմամբ անհարգալից վերաբերմունք: