Ադրբեջանական գերության մեջ գտնվող Լյուդվիգ Մկրտչյանը ծանր առողջական վիճակում է․ փաստաբան

Փաստաբան Լուսիանա Մինասյանը հայտնում է, որ ադրբեջանական կողմի տրամադրած բժշկական փաստաթղթերից երևում է, որ Լյուդվիգ Մկրտչյանի մոտ սրտի հետ կապված լուրջ խնդիրներ կան։ Հետազոտությունների արդյունքները նաև վկայում են արտահայտված բորբոքային պրոցեսի, ծայրահեղ բարձր զարկերակային ճնշման և այլ վտանգավոր ախտանշանների մասին։

Չնայած դրան՝ նա չի ստանում անհրաժեշտ բուժօգնություն, իսկ ԿԽՄԿ-ի ներկայացուցիչները նրան հասանելիություն չունեն։

Փաստաբանը պահանջում է անհապաղ թույլատրել անկախ բժիշկների մուտքը և ապահովել Լյուդվիգ Մկրտչյանին շտապ բժշկական օգնությամբ։