2027 թվականին նախատեսվում է սկսել «թռչող» մեքենաների մատակարարում

Չինական էլեկտրական մեքենաների արտադրող« Xpeng»  ընկերությունը ակնկալում է, որ հաջորդ տարի կսկսվի իր «թռչող» մեքենաների, իսկ 2026 թվականի չորրորդ եռամսյակում՝ մարդանման ռոբոտների լայնածավալ արտադրությունը: Այս մասին  «Reuters»-ին ասել է նախագահ Բրայան Գուն։

«Xpeng»-ը արդեն ստացել է իր թռչող մեքենաների ավելի քան 7000 պատվեր, որոնց մեծ մասը Չինաստանում է: Reuters-ի հետ զրույցում Գուն ասել է, որ ընկերությունը այս տարի կսկսի ռոբոտ-տաքսիների փորձարկումները Չինաստանի հարավային Գուանչժոու քաղաքում, և որ 2027 թվականը կլինի «կրիտիկական տարի»՝ «գործընկերների հետ ամբողջ աշխարհում փորձարկումների համար»։

Գուն ասել է, որ իրենց մարդակերպ ռոբոտները սկզբում կօգտագործվեն որպես ընդունարանի աշխատակիցներ կամ վաճառքի կետերում՝ հաճախորդների հետ շփվելու համար։ Նա հավելել է նաև, որ հաջորդ 10-20 տարիների ընթացքում «Xpeng»-ի ռոբոտների բիզնեսը պետք է ավելի մեծ լինի, քան ավտոմոբիլային բաժինը, քանի որ «մեր կյանքում մարդակերպ ռոբոտների ավելի շատ օգտագործման դեպքեր կլինեն»։