2026 թ. ապրիլի 15-ից 2-րդ սերնդի թղթադրամները բնականոն մաշվածության արդյունքում դուրս կգան շրջանառությունից

2026 թ. ապրիլի 15-ից 2-րդ սերնդի թղթադրամները բնականոն մաշվածության արդյունքում դուրս կգան շրջանառությունից։ Կրկին անգամ տեղեկացնում է Հայաստանի Հանրապետության կենտրոնական բանկը։

Ինչպես բազմիցս տեղեկացրել է Հայաստանի Հանրապետության Կենտրոնական բանկ-ը իր պաշտոնական հաղորդագրություններում և բացատրական նյութերում, ՀՀ 2-րդ սերնդի թղթադրամները կմնան օրինական վճարամիջոց մինչև 2026 թվականի ապրիլի 15-ը։

Սա նշանակում է, որ մինչև նշված օրը քաղաքացիները կարող են առանց սահմանափակումների օգտագործել այս թղթադրամները առօրյա վճարումների համար՝ ինչպես նախկինում։

Շրջանառությունից դուրս են գալու հետևյալ թղթադրամները․

• 1999 թվականի թողարկման 500 դրամ (Ալեքսանդր Թամանյանի դիմապատկերով)
• 1999, 2001, 2011, 2015 թվականների թողարկման 1000 դրամ (Եղիշե Չարենցի դիմապատկերով)
• 1999, 2003, 2009, 2012 թվականների թողարկման 5000 դրամ (Հովհաննես Թումանյանի դիմապատկերով)
• 2003, 2006, 2008, 2012 թվականների թողարկման 10000 դրամ (Ավետիք Իսահակյանի դիմապատկերով)
• 1999, 2007, 2009, 2012 թվականների թողարկման 20000 դրամ (Մարտիրոս Սարյանի դիմապատկերով)