2025 թվականն առաջին տարին է, երբ արտագաղթը դադարել է ՀՀ-ից և ներգաղթ է սկսվել.Փաշինյան

Նիկոլ Փաշինյան խոսել է հայ-ռուսական հարաբերությունների ներկա փուլում Ռուսաստանի կողմից ՀՀ քաղաքացիների զանգվածային արտաքսումների մտահոգության մասին: Նա համոզմունք է հայտնել, որ այդ մտավախություններն անտեղի են, քանի որ առկա են համապատասխան կարգավորումներ, որոնք շարունակելու են գործել։

Փաշինյանն ասել է նաև, որ քարոզարշավի ժամանակ հանդիպում է բազմաթիվ մարդկանց, ովքեր վերադարձել են Ռուսաստանից և ասում են, որ ուրախ են, որ վերադարձել են ու մնալու են այստեղ:

«2025 թվականն առաջին տարին է, երբ արտագաղթը դադարել է Հայաստանի Հանրապետությունից և ներգաղթ է սկսվել»,-ասել է վարչապետը։

Փաշինյանն ընդգծել է, որ բոլոր երկրներն էլ արտաքսում են անօրինական հիմքով իրենց տարածքում գտնվող օտարերկրացիներին։

«Օրինական հիմքով գտնվողին չեն կարող դեպորտ անել, իսկ անօրինական հիմքով՝ ոչ միայն կարող են, այլև պարտավոր են»,ասել է նա։