1000 խոշոր հարկատուների կողմից պետբյուջ է վճարվել 459 մլրդ դրամ

Հայաստանի 1000 խոշորագույն հարկատուները 2026 թ.-ի առաջին եռամսյակի համար հանրապետության պետական բյուջե են փոխանցել ավելի քան 459,3 մլրդ դրամի հարկային և մաքսային վճարումներ: Այս մասին տեղեկացնում է ՊԵԿ-ը:

2025 թվականին այդ ցուցանիշը եղել է  409,3 մլրդ դրամ:  Հետևաբար 2026 թ.-ի հունվար-մարտ ամիսների ընթացքում 1000 հարկատուները փոխանցել են 49,9 մլրդ դրամով կամ 12,2%-ով ավելի միջոցներ, քան 2025 թվականի նույն ժամանակահատվածում։

Խոշորագույն հարկատուների առաջին տասնյակում  են ներառվել  Mobile Center Art (վճարումները կազմել են 21,37 մլրդ դրամ), «Գազպրոմ Արմենիա» (19,76 մլրդ դրամ), Զանգեզուրի պղնձամոլիբդենային կոմբինատ (15,48 մլրդ դրամ), Grand Tobacco (11,53 մլրդ դրամ), Soft Construct (8,04 մլրդ դրամ), «Ինվբամ» (6,84 մլրդ դրամ), «Դիջիթեյն» (6,74 մլրդ դրամ), Philip Morris Armenia (6,36 մլրդ դրամ), City (6,18 մլրդ դրամ), «Թեղուտ» (6,10 մլրդ դրամ) ընկերությունները։