«Զվարթնոցում» ձերբակալված բելառուսցի իրավապաշտպանն ազատ է արձակվել. Գրիգոր Երիցյան

«Զվարթնոց» միջազգային օդանավակայանում ձերբակալված բելառուսցի իրավապաշտպան Վիկտոր Կլիմուսը 7 ժամ տևած կալանքից հետո ազատ է արձակվել։ Այս մասին Ֆեյսբուքի իր էջում հայտնել է Երևանի ավագանու անդամ, հանրային գործիչ Գրիգոր Երիցյանը։

Նա ողջունել է իրավապաշտպանի ազատ արձակումը և երախտագիտություն հայտնել իրավապահ համակարգի, պետական ու հասարակական հատվածի այն գործընկերներին, ովքեր արագ արձագանքել են միջադեպին և նպաստել անձի իրավունքների վերականգնմանը։