Հայաստան
4 հոկտեմբերի 2026 • 09:55
Վահե Հովհաննիսյան. Կառավարությունը քննարկում է եկեղեցին հարկելու տարբերակը
Փոփոխությունների ուժի մեջ մտնելու կոնկրետ ժամկետներ նախարարը չի նշել՝ ընդգծելով, որ դրանք կիրականացվեն Հարկային օրենսգրքի փոփոխությունների համար սահմանված ընթացակարգերի շրջանակում:

Հայաստանի Հանրապետության ֆինանսների նախարար Վահե Հովհաննիսյանը «Բուն TV»-ին տված հարցազրույցում հայտարարել է, որ Կառավարությունն Ազգային ժողովի գործընկերների հետ քննարկում է եկեղեցին հարկելու հնարավորությունը:
Նախարարի փոխանցմամբ՝ հարցի վերաբերյալ դեռևս կան հստակեցման ենթակա մանրամասներ, սակայն ընդհանուր մոտեցումն այն է, որ եկեղեցին պետք է հարկեր վճարի ընդհանուր հիմունքներով, իսկ վճարված գումարները առանձին կարգավորումներով կարող են վերադարձվել եկեղեցուն՝ նրա կողմից իրականացվող ծրագրերն ու միջոցառումները ֆինանսավորելու համար:
«Մենք ցանկություն չունենք եկեղեցուն հարկել, որպեսզի փողն ավելացնենք։ Ես կարծում եմ, որ եթե եկեղեցում կան այնպիսի ծրագրեր, որոնք մեր պետության, հանրության համար ռազմավարական կարևորություն ունեն, կարող է՝ դրանից ավել էլ ֆինանսավորենք», — նշել է Հովհաննիսյանը:
Փոփոխությունների ուժի մեջ մտնելու կոնկրետ ժամկետներ նախարարը չի նշել՝ ընդգծելով, որ դրանք կիրականացվեն Հարկային օրենսգրքի փոփոխությունների համար սահմանված ընթացակարգերի շրջանակում:
Կարդացեք նաև
Հայաստան23 հոկտեմբերի 2026
COP17-ի շրջանակում մեկնարկել է Սևանա լճի էկոհամակարգի պահպանությանն ուղղված ծրագիրը
Ծրագիրն իրականացվում է Եվրոպական միության, ՄԱԿ-ի Զարգացման ծրագրի (ՄԱԶԾ) և ՀՀ շրջակա միջավայրի նախարարության համագործակցությամբ։
Հայաստան12 հոկտեմբերի 2026
ԱԱԾ-ն կանխել է Հայաստան առանձնապես խոշոր չափերի թմրամիջոցների տեղափոխման դեպք
Իրականացված վարութային գործողությունների արդյունքում վերջիններիս ավտոմեքենայում հայտնաբերվել և առգրավվել է 69.3 կիլոգրամ ընդհանուր քաշով «մարիխուաննա» տեսակի թմրամիջոց»։
Հայաստան12 հոկտեմբերի 2026
10 ամսում Սևանա լճի ափամերձ գոտում ապամոնտաժվել է 222 շենք-շինություն
Ապամոնտաժման արդյունքում համայնքի տիրապետմանն են վերադարձվել շուրջ 500.000.000 դրամ շուկայականին մոտարկված կադաստրային արժեքով հողատարածքներ: