Տուապսեում ԱԹՍ–ների հարձակման հետևանքով զոհվել են երկու անչափահասներ։

Այսօր առավոտյան Ռուսական Սևծովյան Տուապսե նավահանգստի վրա ուկրաինական անօդաչու թռչող սարքի հարձակման հետևանքով զոհվել են եկու անչափահաս երեխաներ, հայտնում են ռուսական լրատվամիջոցները։

Նախնական տվյալներով՝ ևս երկու չափահասներ վիրավորվել են, հայտնել է Կրասնոդարի երկրամասի նահանգապետ Վենիամին Կոնդրատևը։

«Տուապսեում բնակելի տների վրա իրականացված ահաբեկչական անօդաչու սարքերի հարձակումը խլել է երկու անչափահասների՝ 5 և 14 տարեկան երեխաների կյանքը։ Խորին ցավակցություն եմ հայտնում զոհվածների հարազատներին։ Հանձնարարել եմ համայնքի ղեկավար Սերգեյ Բոյկոյին ցուցաբերել անհրաժեշտ ողջ օգնությունը ընտանիքներին։ Նախնական տեղեկություններով՝ ևս երկու չափահասներ վիրավորվել են, նրանց ցուցաբերվում է բժշկական օգնություն»,— գրել է Կրասնոդարի երկրամասի նահանգապետը  Max հարթակի իր ալիքում։