Թրամփը հայտարարել է Իրանի հետ երկշաբաթյա հրադադարի մասին

ԱՄՆ նախագահ Դոնալդ Թրամփը հայտարարել է՝ Իրանը պատրաստակամություն է ցուցաբերում խաղաղության հաստատման հարցում՝ ընդգծելով, որ Վաշինգտոնը պատրաստ է աջակցել տարածաշրջանում կայունության ապահովմանը և Հորմուզի նեղուցում իրավիճակի կարգավորմանը, այս մասին նա գրել է Truth Soial–ի էջում: 

Նրա խոսքով՝ Ամերիկայի Միացյալ Նահանգները կօգնեն Հորմուզի նեղուցում առաջացած երթևեկության կուտակումների հարցում: Իրանը կարող է սկսել վերակառուցման գործընթաց: Թրամփը նաև հավելել է, որ ԱՄՆ-ն պատրաստ է աջակցել տարածաշրջանում կայունության ապահովմանը և վերականգնման գործընթացներին։

Իրանի ԱԳ նախարար Աբբաս Արաղչինն էլ երկրի Ազգային անվտանգության գերագույն խորհրդի անունից X-ում գրառում է կատարել՝ շնորհակալություն հայտնելով Պակիստանին միջնորդական ջանքերի համար և նշելով, որ եթե Իրանի դեմ հարձակումները կասեցվեն, ապա Իրանի «հզոր զինված ուժերը կդադարեցնեն իրենց պաշտպանական գործողությունները»։ «Երկու շաբաթով Հորմուզի նեղուցով հնարավոր կլինի անվտանգ անցումը՝ Իրանի զինված ուժերի համակարգմամբ և տեխնիկական սահմանափակումները պատճաշ կերպով հաշվի առնելով»,- գրել է Արաղչին։