Թրամփը գրառում է կատարել Իրանի շուրջ տարածվող որոշ կեղծ փաստաթղթերի մասին

 ԱՄՆ նախագահ Դոնալդ Թրամփն այսօր կրկին անդրադառնալով ԱՄՆ–ի և Իրանի միջև բանակցությունների շուրջ տեղեկատվական աղմուկներին, գրառում է կատարել իր Truth Social- էջում։

"Բազմաթիվ համաձայնագրեր, ցուցակներ և նամակներ տարածվում են մարդկանց կողմից, որոնք բացարձակապես որևէ առնչություն չունեն ԱՄՆ-ի և Իրանի միջև ընթացող բանակցություններին։ Շատ դեպքերում դրանք պարզապես խաբեբաներ են, շառլատաններ և որոշ դեպքերում՝ ավելի վատը։ Դրանք արագ կբացահայտվեն մեր դաշնային հետաքննության ավարտից հետո։

Կա միայն մեկ կարևոր «ԿԵՏԵՐԻ» փաթեթ, որը ընդունելի է ԱՄՆ-ի համար, և մենք դրանք կքննարկենք փակ դռների հետևում այս բանակցությունների ընթացքում։ Հենց այս "ԿԵՏԵՐՆ" էլ հիմք են հանդիսացել հրադադարի համաձայնագրի համար։ Սա ողջամիտ բան է և կարող է հեշտությամբ չեղարկվել։

Սա շատ նման է CNN-ի անցած գիշերվա կեղծ լուրերին, որտեղ վերնագրում նշվում էր «աղբյուր», որը չուներ ոչ լիազորություն, ոչ էլ իրավունք՝ գրելու մի նամակ, որը ներկայացվում էր որպես հեղինակավոր։"– գրել է Թրամփը։