Թուրքիայում հարձակում է տեղի ունեցել դպրոցի վրա

Թուրքական լրատվամիջոցները հայտնում են, որ 17 կամ 18 տարեկան մի երիտասարդ ներխուժել է դպրոց և անկանոն կրակ բացել՝ վիրավորելով մի քանի աշակերտների և պատանդ վերցնելով նրանց։

Աշակերտների մեծ մասը տարհանվել է։ Հաղորդվում է, որ հարձակվողը ինքնասպան է եղել։

Նախնական տեղեկությունների համաձայն՝ վիրավորվել է առնվազն 16 աշակերտ։ Հարձակվողի ինքնությունը և դրդապատճառները պարզվում են։

 Շանլըուրֆայի նահանգապետ Հասան Շիլդակը հայտնել է, որ հարձակվողը դպրոցի նախկին աշակերտ է, ծնված 2007 թվականին։ NTV-ի թղթակցի խոսքով՝ դրդապատճառը կարող է լինել անձնական վրեժխնդրությունը: Ենթադրվում է, որ երիտասարդը եկել է հաշիվ մաքրելու ընկերոջ հետ, որի հետ նախկինում կոնֆլիկտ է ունեցել։