Թուրքիան աշխատում է Միջին միջանցքի զարգացման ուղղությամբ

  Թուրքիայի նախագահ Ռեջեփ Թայիփ Էրդողանը Աստանայում կայացած «Թուրքիա-Ղազախստան աշխատանքային համաժողովում» հայտարարել է, որ Թուրքիան շարունակում է աշխատել Կասպից ծովով անցնող Միջին միջանցքի զարգացման ուղղությամբ, հայտնում է  Ermenihaber.am–ը։

Նրա խոսքով՝ ծրագիրը ներառում է երկաթուղային կապերի, նավահանգստային ենթակառուցվածքների և մաքսային թվայնացված համակարգերի ինտեգրում՝ նպատակ ունենալով բարձրացնել եվրասիական տարածաշրջանի մրցունակությունը համաշխարհային տնտեսությունում։

Էրդողանը նաև նշել է, որ Ղազախստանի հետ համագործակցությունը զարգանում է էներգետիկայի և պաշտպանական արդյունաբերության ոլորտներում։ Նրա խոսքով՝ Անկարան նպատակ ունի մեծացնել Ղազախստանից նավթի տարանցումը Թուրքիայի տարածքով դեպի համաշխարհային շուկաներ, ինչպես նաև խորացնել համատեղ արտադրական նախագծերը պաշտպանական ոլորտում։