Թբիլիսին՝ Բաքվի հետ հարաբերությունների մասին

Թբիլիսիի քաղաքապետ Կախա Կալաձեն, ողջունելով Իլհամ Ալիևի այցը Վրաստան, ընդգծել է Ադրբեջանի հետ ռազմավարական գործընկերության կարևորությունը՝ հատկապես տարածաշրջանային անվտանգության համատեքստում, հայտնում են վրացական ԶԼՄ-ները։ Նրա խոսքով՝ տարածաշրջանի երկրների միջև խաղաղ ու բարեկամական հարաբերությունների խորացումն այլընտրանք չունի։

 Կալաձեն ընդգծել է՝ ի տարբերություն Ադրբեջանի նախագահի, որոշ եվրոպացի քաղաքական գործիչներ միտումնավոր չեն խոսում «Միջին միջանցքի» հարցում Վրաստանի ունեցած նշանակության մասին: Նա նաև նշել է, որ Արևմուտքից հնչող շանտաժն ու ճնշումները պայմանավորված են նրանով, որ Վրաստանի իշխանությունները հրաժարվել են քայլերից, որոնք կվնասեին երկրի տնտեսությունն ու ժողովրդին: