Ստամբուլում քննարկվել են Ռուսաստանի, Թուրքիայի և Վրաստանի խորհրդարանական համագործակցության հարցերը
Ստամբուլում Միջխորհրդարանական միության 152-րդ վեհաժողովի շրջանակներում Թուրքիայի խորհրդարանի նախագահ Նուման Քուրթուլմուշը հանդիպումներ է ունեցել Ռուսաստանի և Վրաստանի գործընկերների հետ՝ քննարկելով երկկողմ համագործակցության զարգացումն ու տարածաշրջանային խաղաղության և կայունության հարցերը։
Ստամբուլում ընթացող Միջխորհրդարանական միության 152-րդ վեհաժողովի շրջանակներում Թուրքիայի խորհրդարանի նախագահ Նուման Քուրթուլմուշը մի շարք երկկողմ հանդիպումներ է ունեցել, այս մասին հայտնել է Թուրքիայի խորհրդարանի նախագահն X- իր էջում։
Քուրթուլմուշը հանդիպել է Ռուսաստանի Դաշնության խորհրդի նախագահ Վալենտինա Մատվիենկոյի հետ։ Կողմերը քննարկել են տարբեր ոլորտներում համագործակցության զարգացման հնարավորությունները։
Նա նաև հանդիպել է Վրաստանի խորհրդարանի նախագահ Շալվա Պապուաշվիլիի հետ՝ անդրադառնալով երկու երկրների հարաբերություններին և խորհրդարանական մակարդակով համագործակցության ընդլայնման հեռանկարներին։
Վրացի գործընկերոջ հետ հանդիպման ընթացքում Քուրթուլմուշը ընդգծել է Սև ծովում, Մերձավոր Արևելքում, Արևելյան Միջերկրականում և Կովկասում խաղաղության և կայունության կարևորությունը՝ նշելով, որ տարածաշրջանային կայուն միջավայրը կնպաստի տնտեսական և սոցիալական բարօրության աճին։
Կարդացեք նաև
Տարածաշրջան29 հուլիսի 2026
Իրանական գազի արտահանումը Հայաստան առնվազն կարելի է կրկնապատկել․Դավիթ Խուդաթյան
«Գազ էլեկտրաէներգիայի դիմաց ծրագրի շրջանակում իրանական գազի ծավալները հնարավոր է առնվազն կրկնապատկել»,- ասել է նախարար Խուդաթյանը։
Տարածաշրջան28 հուլիսի 2026
Արցախում ականապատ տարածքներում հրդեհներ են բռնկվել
Հրդեհաշիջման աշխատանքները շարունակվում են։
Տարածաշրջան28 հուլիսի 2026
Թուրքիան սկսել է Աքյաքա-Գյումրի հատվածի վերականգնումը
«Թուրքիայի նախագահի հանձնարարականով և Տրանսպորտի նախարարության համակարգմամբ արդեն իսկ աշխատանքներ են սկսվել սահմանային անցակետերը, երկաթուղային ենթակառուցվածքները սահմանի բացմանը նախապատրաստելու համար»։