Ստամբուլում՝ Իսրայելի հյուպատոսարանի մոտ հրաձգություն է տեղի ունեցել

Այսօր կեսօրին Ստամբուլի Լևենտ շրջանում, Yapı Kredi Plaza համալիրի դիմաց (որտեղ գտնվում է Իսրայելի հյուպատոսարանը), տեղի է ունեցել զինված բախում։ Թուրքական ԶԼՄ-ների փոխանցմամբ՝ տարածքում հերթապահություն իրականացնող ոստիկանների ուղղությամբ երեք զինված անձ կրակ են բացել։

Սկսված փոխհրաձգության արդյունքում հարձակվողներից երկուսը սպանվել են, մեկը՝ վիրավորվել։ Նույն աղբյուրների համաձայն՝ բախման ընթացքում երկու ոստիկան ստացել են թեթև վնասվածքներ։