Ստամբուլի Այա Սոֆիյա մզկիթում բյուզանդական դրոշ բացելու համար երկու հույն զբոսաշրջիկ է ձերբակալվել

 Ինչպես հայտնում են թուրքական լրատվամիջոցները դեպքը, որը տեղի է ունեցել ապրիլի 9-ին՝ ժամը 15:20-ի սահմաններում, Ստամբուլում գտնվող Այա Սոֆիա մզկիթում, արձանագրվել է անվտանգության տեսախցիկներով։

 Տեղեկություն ստանալուց հետո դեպքի վայր են ժամանել Ստամբուլի ոստիկանության աշխատակիցները։ 
 Հաղորդվում է, որ Ստամբուիլի իրավապահները արարաքը որակել են որպես սադրիչ գործողություն մզկիթի ներսում։

Ոստիկանության կողմից իրականացված օպերացիայի արդյունքում պարզվել է, որ կասկածյալները բնակվել են Բալաթ թաղամասի հյուրանոցներից մեկում։ Նրանք ձերբակալվել են հյուրանոցում։

 Կասկածյալները, ոստիկանությունում կատարված գործողություններից հետո, ներկայացվել են դատարան և մեղադրվել «հասարակությանը ատելության և թշնամանքի հրահրում կամ վիրավորում» հոդվածով։ Դատարանը նրանց կալանավորել է և ուղարկել բանտ։ 

Հունաստանի գլխավոր հյուպատոսությունը Ստամբուլում հայտնել է, որ ցուցաբերում է անհրաժեշտ աջակցություն նրանց։