Սպիտակ տան թղթակիցների ընթրիքի ժամանակ, որտեղ գտնվել է Թրամփը տեղի է ունեցել հրաձգություն

Դոնալդ և Մելանիա Թրամփները շաբաթ երեկոյան տարհանվել են Սպիտակ տան թղթակիցների ընթրիքից այն բանից հետո, երբ միջոցառումը ընդհատվել է կրակոցներով, այս մասին հայտնում է The Guardian-ը:

   Կասկածյալը  գտնվում է կալանքի տակ, հայտնել է   ԱՄՆ Հետաքննությունների դաշնային բյուրոն, այն բանից հետո, երբ Վաշինգտոնի «Washington Hilton» հյուրանոցի դահլիճում անցկացվող ամենամյա սև փողկապով ընթրիքը, որը նվիրված է Սպիտակ տան մամուլի կորպուսին, հանկարծ վերածվել է խառնաշփոթի և քաոսի։ Լրագրողները թաքնվել են սեղանների տակ, մինչդեռ իշխանությունները շտապ դուրս են բերել նախագահին և նրա կաբինետի անդամներին սրահից։

Կասկածյալը կալանքի տակ է:  Ըստ տեղեկությունների նա ճանաչվել է, որպես Կոլ Թոմաս Ալեն, 31 տարեկան, Կալիֆոռնիայի Տորանս քաղաքից։  

Վաշինգտոնի քաղաքապետ Մյուրիել Բաուզերը նշել է, որ միակ զինված անձը հյուրանոցի նախասրահում հարձակվել է Գաղտնի ծառայության վրա։ Նրա խոսքով՝ որևէ հիմք չկա ենթադրելու, որ միջադեպիններգրավված են եղել այլ անձինք։

Նախագահը և նրա կինը չեն տուժել և ավելի ուշ Սպիտակ տանը հանդես են եկել մամուլի ասուլիսով, ասվում է հաղորդագրությունում: