Սպասվում է հեղուկ գազի գնի անկում

Այսօր կառավարության նիստից հետո լրագրողների հետ զրույցում Մրցակցության և սպառողների շահերի պաշտպանության  հանձնաժողովի նախագահ Գեղամ Գևորգյանը՝ անդրադարձավ  այն հարցին, որ վերջին շրջանում կա  հեղուկ գազի դեֆիցիտ և գների կտրուկ բարձրացում :

Նա ասաց, որ եղանակային պայմաններով պայմանավորված Լարսը փակ էր, հիմա բացվել է, արդեն մատակարարումներ կան: «Ենթադրում եմ, որ մի քանի օրից կսկսի գազի գինը իջնել: Հայաստանում հեղուկ գազ մատակարարում են 100-ից ավել տնտեսվարող սուբյեկտներ, որևէ մեկը չի գերազանցում նույնիսկ  10% շեմը, այսինքն դաշտը խիստ մրցակցային է, և տեսականորեն որևէ մեկը չի կարող գեշխող դիրքը չարաշահել։ Ընդ որում, օրենքով արգելված է 10%–ից ցածր բաժին ունեցող որևէ տնտեսվարողի նկատմամբ որևէ պրոցես գեներացնել ամբողջ աշխարհում։

Եթե դաշտը խիստ մրցակցային է և բոլոր տնտեսվարողները կարող են իրար հետ մրցակցել, այսինքն չկա խոշոր տնտեսվարող սուբյեկտ, որ կարող է արհեստական դիֆիցիտ ստեղծել, խնդիր ստեղծել, նշանակում է մրցակցության հարցերով զբաղվող որևէ կառույց չի կարող միջամտել»,–ասաց Գեղամ Գևորգյանը: