Շիրակի մարզում սպանության դեպք չի արձանագրվել, նվազել են համակարգչային հափշտակության դեպքերը․ Արփինե Սարգսյան

ՆԳ նախարար Արփինե Սարգսյանի գլխավորությամբ հուլիսի 22-ին Շիրակի մարզում ամփոփվել են ՆԳՆ ոստիկանության 2026 թվականի առաջին կիսամյակի աշխատանքի արդյունքները։ Ներկա էին ՆԳ նախարարության և Ոստիկանության ղեկավար կազմի ներկայացուցիչներ։

Նախարար Սարգսյանը հանձնարարել է բակային և գյուղական տարածքներում Ոստիկանության հենասյունային ուղղություններով պարբերաբար իրականացնել թիրախային ուժեղացված ծառայություններ՝ հանցավորության կանխարգելման և բացահայտման, հասարակական կարգի պահպանության ու բնակչության անվտանգության ապահովման նպատակով։ 

Հանձնարարվել է ակտիվացնել նաև ապօրինի թմրամիջոցների հայտնաբերման և շրջանառության կանխման, նաև անօրինական զենք-զինամթերքի հայտնաբերման աշխատանքը։ Նախարարը համայնքային ոստիկաններին հորդորել է ուշադրության կենտրոնում պահել ընտանեկան բռնության և անչափահասների նկատմամբ կատարվող հանցագործությունները, հետևողականորեն ապահովել բռնություն գործադրած անձանց նկատմամբ կիրառված անհետաձգելի միջամտության որոշումների կատարումը։