Սերժ Գնաբրիի մոտ ախտորոշվել է աջ ազդրի մկանի պատռվածք

Մյունխենի «Բավարիայի» և Գերմանիայի ազգային հավաքականի հարձակվող Սերժ Գնաբրին հաստատել է, որ չի կարողանա մասնակցել 2026 թվականի Աշխարհի առաջնությանը։ Այս մասին տեղեկանում ենք« Armsport»- ից: Շաբաթ օրը ֆուտբոլիստի մոտ ախտորոշվել է աջ ազդրի մկանի պատռվածք, հետևաբար, մարզիկը չի կարող մասնակցել  2026 թվականի Աշխարհի առաջնությանը:

«Ցավոք, ես մեր թիմին երկրպագելու եմ տնից՝ ամբողջ երկրի հետ միասին։ Աշխարհի առաջնությունում Գերմանիայի հավաքականի կազմում հանդես գալու իմ երազանքն այս պահին չի իրականանա։ Ժամանակն է կենտրոնանալ ապաքինման և հաջորդ մրցաշրջանին նախապատրաստվելու վրա»,- սոցցանցերի իր էջերում գրել է Գնաբրին։

Ընթացիկ մրցաշրջանում Գնաբրին «Բավարիայի» կազմում անցկացրել է 37 հանդիպում՝ դառնալով 10 գոլի և 11 գոլային փոխանցման հեղինակ։